චන්දිමාල්, උපුල් තරංග වෙනුවෙන් හඩ නඟයි

35886
0

දිගින් දිගටම තේරීම් කමිටුවේ කතුරට හසුවී සිටින උපුල් තරංග වෙනුවෙන් අවසන් මොහොතේ හඩ නගන්නට දිනේෂ් චන්දිමාල් පියවරගෙන තිබෙනවා.

ඒ ක්‍රිකට් තේරීම් කමිටුව සමග ඊයේ පැවති රැස්වීමකදී.

ඇන්ජෙලෝ මැතිව්ස් ආබාධයකට ලක්වීම නිසා ඔස්ට්‍රේලියාව සමග ඉතිරි තරග වලදී ශ්‍රී ලංකා කණ්ඩායම මෙහෙයවීමේ වගකීම පැවරී ඇත්තේ දිනේෂ් චන්දිමාල්ටයි.

ඒ අනුව චන්දිමාල් සහ තේරීම් කමිටු සාමාජිකයින් ඊයේ මුණ ගැසී ඇත්තේ අවසන් එක්දින තරගය සදහා ශ්‍රී ලංකා කණ්ඩායම තෝරා ගැනීම සදහායි.

එහිදී දිනේෂ් චන්දිමාල් ක්‍රිකට් තේරීම් කමිටුවට පවසා ඇත්තේ දිගින් දිගටම අසාර්ථක වන ධනුෂ්ක ගුණතිලක වෙනුවට උපුල් තරංග කණ්ඩායමට කැදවන ලෙසයි.

නමුත් තේරීම් කමිටු සභාපතිවරයා චන්දිමාල්ගේ මෙම ඉල්ලීමට එකගවී නැහැ.

පසුගිය කාලය පුරාවටම උපුල් තරංගට කණ්ඩායමේ ස්ථානය අහිමිවීම පසුපස සිටියේ සනත් ජයසුරිය සහ නායක ඇන්ජෙලෝ මැතිව්ස් බව ප්‍රසිද්ධ රහසක්.

පිතිකරුවෙකු ලකුණු අතර සිටියත් තරංගට ශ්‍රී ලංකා කණ්ඩායමේ ස්ථානයක් හිමිවුණේ නැහැ.

පසුගිය එංගලන්ත තරගාවලියේදී ඔහුව කණ්ඩායමට කැදවුවත් ආරම්භක පිතිකරු ස්ථානය වෙනුවට තරංගට ලබා දී තිබුනේ අංක 7  ස්ථානයයි.

නමුත් ඔහු එම ඉනිම දෙකේදීම නොදැවී ලකුණු 53ක් සහ ලකුණු 40ක් ලබා ගත්තේ තමන්ට සිදුකරන අසාධාරණයන්ට නිහඩ පිළිතුරක් ලබා දෙමින්.

මැතිව්ස්ගේ ප්‍රබල හිතවතෙක් වන ධනුෂ්ක ගුණතිලක කණ්ඩායමේ රදවා ගැනීමේ අරමුණ ඇතිව දිගින් දිගටම උපුල් තරංගගේ ස්ථානය අහිමි කරන්නට ඔහු පියවර ගත්තා.

එමෙන්ම ජෙෂ්ටත්වය අතින් ගත්තද උපුල් තරංග මැතිව්ස්ට වඩා ඉදිරියෙන් සිටිනවා.

එයද තරංගට කණ්ඩායමේ ස්ථානය අහිමි වීමට බලපා තිබෙන කරුණක්.

වත්මන් ක්‍රිකට් නායකයාට අවශ්‍යව තිබෙන්නේ තමාට වඩා කනිෂ්ට ක්‍රීඩකයින් පිරිසක් සෑම විටම සිය නායකත්වය යටතේ තබා ගැනීමටයි.

පසුගිය කාලය පුරාවට තේරීම් කමිටුවේ දඩු අඩුවට හසුවුණු උපුල් තරංග වර්තමානයේ ශ්‍රී ලංකා කණ්ඩායමේ සිටිය යුතුම ක්‍රීඩකයෙක් බවයි විචාරක මතය.

මේ වනවිට එක්දින තරග 187කට ක්‍රීඩාකර ඇති තරංග එහිදී ලකුණු 5511ක් රැස් කරගෙන ඇත්තේ ලකුණු 33ක සාමාන්‍යයක්ද රදවා ගනිමින්.

ඊට ශතක 13ක් සහ අර්ධ ශතක 29ක් ද ඇතුලත්.

කෙසේ නමුත් දිනේෂ් චන්දිමාල් ,දිගින් දිගටම පවසා ඇත්තේ අවසන් තරගයේදී ධනුෂ්ක ගුණතිලක ආරම්භක පිතිකරුවෙකු ලෙස යෙදවීම හරහා තවදුරත් උපුල් තරංගට අසාධාරණයක් සිදුවන බවයි.

අවසානයේදී තරංග කණ්ඩායමට එක් කිරීමට සනත් ජයසුරිය කැමැත්ත පළකරත් ඔහු ආරම්භක පිතිකරුවා ලෙස යොදවනවාද යන්න පවසා නැහැ.

Comments

comments

SHARE