ගුවන් අනතුරකින් බ්‍රසීලයේ පාපන්දු කණ්ඩායමක් මරුට

26
0
(FILES) This file photo taken on November 24, 2016 shows Brazil's Chapecoense players posing for pictures during their 2016 Copa Sudamericana semifinal second leg football match against Argentina's San Lorenzo held at Arena Conda stadium, in Chapeco, Brazil.A plane carrying 81 people, including members of a Brazilian football team, crashed late on November 29, 2016 near the Colombian city of Medellin, officials said. The airport that serves Medellin said that among the 72 passengers and nine crew were members of Chapecoense Real, a Brazilian football club that was supposed to play against Colombia's Atletico Nacional Wednesday in the South American Cup finals. / AFP PHOTO / NELSON ALMEIDA

බ්‍රසීලයේ සාන්ත කැතරිනා ප්‍රාන්තයේ චපේකෝ නුවර පළමු පෙළ පාපන්දු ක්‍රීඩා සමාජයක් වන චපෙකොන්ස් ක්‍රීඩා සමාජයේ පාපන්දු කණ්ඩායම ඇතුලුව තවත් මගීන් පිරිසක් රැගත් ගුවන් යානයක් කොලොම්බියාවේ දී කඩා වැටීමෙන් එම ගුවන්යානයේ ගමන්ගත් සියලු පුද්ගලයන් ජීවිතක්ෂයට පත්වී ඇතැයි විදෙස් පුවත් වාර්තා කරයි.

බ්‍රසීලයට අයත් ගුවන් යානයක් වන මෙම ගුවන් යානය බ්‍රසීල වේලාවෙන් ඊයේ දහවල් 3.35 ට පමණ (ශ්‍රී ලංකා වේලාවෙන් ඊයේ මධ්‍යම රාත්‍රී 12.30ට පමණ)  සාඕ පාවොලෝ නුවරින් ගමන් අරඹා තිබිණ. මේ ගුවන්යානයේ 80 කට අධික පිරිසක් සිටි බවට වාර්තා වෙයි. මෙම අනතුරෙන් දිවි ගලවාගත් කිසිවකු සම්බන්ධයෙන් හෝ ගුවන්යානයේ සිටි සංඛ්‍යාව කොපමණදැයි පිළිබඳව මෙතෙක් නිල වශයෙන් ප්‍රකාශයට පත්වී නොමැත.

ගුවන්යානය කඩා වැටී ඇත්තේ එහි ගමනාන්තය වන කොලොම්බියාවේ මෙඩලින් ජාත්‍යන්තර ගුවන්තොටුපල බලා පියාසර කරමින් සිටියදීය. මෙඩලින් නගරය කොලොම්බියාවේ දෙවැනි විශාලතම නගරයයි. චපේකොන්ස් පාපන්දු පිල එහි දී ඇට්ලෙටිකෝ නැෂනල් පිල සමග දකුණු ඇමරිකා කුසලාන පාපන්දු තරගාවලියේ අවසන් තරගයට ක්‍රීඩා කිරීමට නියමිතව සිටියේය.

බ්‍රසීලයේ සාඕ පාවෝලෝ නුවරින් ගමන් ඇරැඹූ මේ ගුවන්යානය සිය ගමනාන්තයට ළඟාවීමට පෙර බොලීවියාවේ සාන්ත කෘස් ඩි ලා සියේරා ගුවන්තොටුපලට ගොඩ බස්වා තිබේ. ඉන් අනතුරුව මෙඩලින් ගුවන්තොටුපල දක්වා ගමන් අරඹා තිබේ. කෙසේවෙතත් මේ අනතුරින් කිහිපදෙනකුගේ ජීවිත බේරාගැනීමට හැකිවනු ඇතැයි ගුවන්යානය කඩා වැටුණු කඳුකර ප්‍රදේශයට ඒ මොහොතේදීම ගිය මෙඩලින් නගරාධිපතිවරයා වන ෆෙඩරිකෝ ගුටියාරස් මහතා විශ්වාසය පළ කරයි.

ඒ අවට ප්‍රදේශයට දැඩි වර්ෂාව පතිතවන බැවින් ගිලන්රථවලට සහ මෙහෙයුම් නිලධාරීන්ට සිද්ධිය වූ ස්ථානයට ළඟාවීමේ දුෂ්කරතා පවතින බවද ගුටියාරස් මහතා කොලොම්බියානු මාධ්‍යවේදීන්ට ප්‍රකාශ කොට තිබේ.

චපේකොන්ස් කණ්ඩායම සහ කොලොම්බියාවේ ඇත්ලෙටිකෝ නැෂනල් පාපන්දු පිල අතර දකුණු ඇමෙරිකානු කුසලාන පාපන්දු තරගාවලියේ අවසන් මහා තරගය හෙට (30) පැවැත්වීමට නියමිතව තිබිණි.

කෙසේවෙතත් ගුවන් අනතුරින් මියගිය චපෙකොන්ස් පාපන්දු කණ්ඩායමේ ක්‍රීඩකයන් අතර බ්‍රසීල ජාතික කණ්ඩායම නියෝජනය කරන ක්‍රීඩකයන් සිටිදැයි මෙතෙක් තහවුරු වී නොමැත.

Comments

comments

SHARE