2023 ලෝක කුසලාන එක්දින ක්‍රිකට් තරගාවලියට ජයග්‍රාහී ආරම්භයක් ලබා ගන්නට සත්කාරක ඉන්දීය කණ්ඩායමට හැකියාව ලැබුණේ ඔස්ට්‍රේලියාව සමග චෙන්නායිහිදී පැවැති තරගයෙන් කඩුලු 6ක ජයක් වාර්තා කරමින්.
මෙම තරගයේ පළමුව පන්දුවට පහර දුන් ඔස්ට්‍රේලියාවට පන්දුවාර 49යි පන්දු 3ක් තුළ සියලු දෙනා දැවී රැස්කර ගැනීමට හැකිවුණේ ලකුණු 199ක් පමණයි.
ඩේවිඩ් වෝනර් ලකුණු 41ක් ද ,ස්ටීව් ස්මිත් ලකුණු 46ක් ද රැස් කළා.
රවීන්ද්‍ර ජඩේජා ලකුණු 28කට කඩුලු 3ක්ද ,ජස්ප්‍රිට් බුම්රා සහ කුල්දීප් යාදෙව් කඩුලු දෙක බැගින් දවා ගත්තා.
පිළිතුරු ඉනිම ක්‍රීඩා කළ ඉන්දීය කණ්ඩායම පන්දුවාර 41යි පන්දු 2කදී කඩුලු 4ක් දැවී ලකුණු 201ක් ලබා තරගය ජය ගත්තා.
විරාත් කෝලි ලකුණු 85ක් ද ,ලෝකේෂ් රාහුල් නොදැවී ලකුණු 97ක් ද ලබා ගනිමින් ඉන්දියාවට ජය ගෙන ආවා.
තරගයේ වීරයා ලෝකේෂ් රාහුල්.
