2023 ලෝක කුසලාන එක්දින ක්‍රිකට් තරගාවලියේ ශ්‍රී ලංකාව සහ එංගලන්තය අතර තරගය අද පස්වරු 2කට ඉන්දියාවේ බැංගලෝර්හි M චින්නසාවමි පිටියේදී ආරම්භ වීමට නියමිතයි.
අද තරගයට ඇන්ජලෝ මැතිව්ස් ක්‍රීඩා කිරීමට නියමිත අතර මැතිව්ස් මෙවර ලෝක කුසලානයේ සහභාගීවන පළමු තරගය මෙයයි.
මේ සමග ඔහු 4 වන එක්දින ලෝක කුසලානයට ද ක්‍රීඩා කිරීමට වාසනාව උදා කර ගන්නවා.
ශ්‍රී ලංකා – එංගලන්ත එක්දින ලෝක කුසලාන ඉතිහාසය පිරිස්සීමේදී අවස්ථා 11කදී මෙම කණ්ඩායම් දෙක හමුවී තිබෙන අතර ඉන් අවස්ථා 6ක් එංගලන්තය ද , අවස්ථා 5ක් ශ්‍රී ලංකා කණ්ඩායම ද ජය ගෙන තිබෙනවා.
1999 එංගලන්තයේදී පැවැති ලෝක කුසලානයෙන් පසු ශ්‍රී ලංකා කණ්ඩායම එංගලන්තයට එරෙහිව එක්දින තරගයක් ලෝක කුසලානයේදී පරාජය වී නැහැ.
ප්‍රසාද ලකුණු සටහනේ 7 වන ස්ථානයේ පසුවන ශ්‍රී ලංකා කණ්ඩායමට මෙම තරගයේ ජය ඉතා වැදගත් වනවා.
