ජාත්‍යන්තර ක්‍රිකට් තරගවලදී ශ්‍රී ලංකා පන්දු රකින්නන්ගේ දස්කම් ඉහළ නැංවීමේ අරමුණින් ශ්‍රී ලංකා ක්‍රිකට් කණ්ඩායම් කළමනාකාරීත්වය නව ක්‍රමවේදයක් ක්‍රියාත්මක කර තිබේ.
ඉන්දීය ක්‍රිකට් කණ්ඩායම ද මෙම ක්‍රමයෙන් සාර්ථක ප්‍රතිපළය අත් කරගෙන තිබෙන අතර ඒ අනුව සෑම තරගයකදීම පන්දු රැකීමේදී දස්කම් පාන ක්‍රීඩකයින් මෙහිදි ඇගයීමට ලක් කරනු ලබනවා.
ඒ අනුව නිමා වු බංග්ලාදේශ පළමු T20 තරගයේදී පන්දු රැකීමේදි දස්කම් දැක්වූ චරිත් අසලංකට Orange Cap එක සහ සැමරුම් කාසියක් ලබා දීමට පියවර ගෙන තිබේ.
සෑම තරගයකදීම පන්දු රකින්නන් අතර දස්කම් පාන ශ්‍රී ලංකා ක්‍රීඩකයෙක්ට මෙම සම්මානය ශ්‍රී ලංකා කණ්ඩායමේ නව පන්දු රැකීමේ පුහුණුකරු උපුල් චන්දන විසින් ලබා දීමට නියමිතය.
