තරග 3කින් සමන්විත ශ්‍රී ලංකා – සිම්බාබ්වේ T20 ක්‍රිකට් තරගාවලියේ පළමු තරගය අද කොළඹ R .ප්‍රේමදාස ක්‍රීඩාංගණයේදී පැවැත්වීමට නියමිතයි.
වනිඳු හසරංග නායකත්වයට පත්වීමෙන් පසු ශ්‍රී ලංකා කණ්ඩායම සහභාගී වන පළමු ජාත්‍යන්තර T20 තරගය ද මෙයයි.
මෙම වසරේ පැවැත්වෙන T20 ලෝක කුසලානයේ ශ්‍රී ලංකා කණ්ඩායමේ සැලසුම් මෙම තරගයේ සිට ක්‍රියාත්මක වන අයුරු දක්නට තිබේ.
මේ දක්වා සිම්බාබ්වේ කණ්ඩායම සමඟ ජාත්‍යන්තර T20 තරග 3කදී ශ්‍රී ලංකා ලංකා කණ්ඩායම තරග වැදී තිබෙන අතර එම තරග 3ම ශ්‍රී ලංකා කණ්ඩායම ජය ගත්තා.
මෙම තරගය අද රාත්‍රී 7.00ට ආරම්භ වීමට නියමිතය.
ශ්‍රී ලංකාව සහ සිම්බාබ්වේ කණ්ඩායම T20 තරගයකදී අද තරග වදින්නේ වසර 12කට පසුවය.
අද තරගයට එක්විය හැකි අනුමාන ශ්‍රී ලංකා කණ්ඩායම
- කුසල් ජනිත් පෙරේරා
- පැතුම් නිස්සංක
3.කුසල් මෙන්ඩිස්
4.ඇන්ජලෝ මැතිව්ස්
5.චරිත් අසලංක
6.දසුන් ශානක
7.වනිඳු හසරංග ( Captain )
8.මහීෂ් තීක්ෂණ
9.දුෂ්මන්ත චමීර
10.ඩිල්ෂාන් මධුෂංක
11.නුවන් තුෂාර
