2024 වයස අවුරුදු 19න් පහළ ලෝක කුසලාන ක්‍රිකට් තරගාවලියේ ශ්‍රී ලංකාව සහ නැමීබියාව අතර තරගය ලකුණු 77කින් ජය ගන්නට ශ්‍රී ලංකාව සමත්වුණා.
මෙම තරගයේ පළමුව පන්දුවට පහරදුන් ශ්‍රී ලංකා කණ්ඩායම පන්දුවාර 37.5කදී සියලු ක්‍රීඩකයින් දැවී රැස්කර ගත්තේ ලකුණු 133ක් පමණයි.
සුපුන් වඩුගේ නොදැවී අර්ධ ශතකයක් ලකුණු 56 රැස්කර ගත් අතර, රුසඳ ගමගේ ලකුණු 17කින් සහ ෂාරුජන් සන්මුගනාදන් ලකුණු 13ක් ලබා ගත්තා.
සචෝ වැන් වූරන් ලකුණු 23කට කඩුලු 04ක් සහ ජොහැන්නස් ඩිවිලියර්ස් ලකුණු 19කට කඩුලු 03ක් දවා ගත්තා.
තරගයේ ජයග්‍රහණය සඳහා ලකුණු 134ක ඉලක්කය හඹාගිය නැමීබියාව ලකුණු 56කට සීමාකිරීමට ශ්‍රී ලංකා යොවුන් පන්දු යවන්නෝ සමත්වුණා.
එහිදී විශ්ව ළහිරු සහ රුවිෂාන් පෙරේරා කඩුලු 03 බැගින් බිඳ දැමූ අතර, දිනුර කළුපහන කඩුලු 02ක් බිඳ දැමුවා.
මේ සමඟ ශ්‍රී ලංකා වයස අවුරුදු 19න් පහළ කණ්ඩායමට super 6 තරග වටයට සුදුසුකම් ලැබීමට සමත්විය.
