ශ්‍රී ලංකා කණ්ඩායම සහ නවසීලන්ත කණ්ඩායම අතර පැවැති දෙවන T20 තරගය ලකුණු 45කින් ජයගැනීමට නවසීලන්ත කණ්ඩායම සමත්විය.
තරගයේ ප්‍රථමයෙන් පන්දුවට පහරදුන් නවසීලන්ත කණ්ඩායම පන්දුවාර 20 තුළදී කඩුලු 5ක් දැවී ලකුණු 186ක් රැස්කිරීමට සමත් විය.
මාර්ක් චැප්මන් ලකුණු 42ක් ලබා ගැනීමට සමත් වූ අතර ටිම් රොබින්සන් හා මිචෙල් හේ ලකුණු 41ක බැගින් ලබාගත්හ.
පන්දු යැවීමේ දී වනිඳු හසරංග කඩුලු 2ක් දවා ගැනීමට සමත් විය.
ලකුණු 187ක ජයග්‍රාහි ඉලක්කයක් හඹාගිය ශ්‍රී ලංකා කණ්ඩායම පන්දුවාර 19යි එක් පන්දුවක් අවසානයේ සියලුදෙනා දැවි රැස්කර ගත හැකි වූයේ ලකුණු 141ක් පමණි.
කුසල් පෙරේරා ලකුණු 48ක් රැස්කළ අතර පැතුම් නිස්සංක ලකුණු 37ක් රැස්කළේය.
ජෙකබ් ඩෆී ලකුණු 15කට කඩුලු 4ක් දවා ගත්තේය.
ඒ අනුව තවත් එක් තරගයක් ඉතිරිව තිබියදී තරග තුනකකින් සමන්විත T20 තරගාවලිය තරග 1-0ක් ලෙස ජයගැනීමට නවසීලන්ත කණ්ඩායම සමත්විය.
මෙම තරගයේදීත් ශ්‍රී ලංකා මැඳ පෙළ සහ පසුපෙළ
පිතිකරුවන් අසාර්ථක වීම දැක්නට ලැබුණා.
ශ්‍රී ලංකා කණ්ඩායමේ අවසන් කඩුලු 7 ලකුණු 14ක් තුළ දැවි ගොස් තිබුණි.
